Жыл сайын 24 наурыз күні бүкіл әлем туберкулезге қарсы күнді атап өтеді. Мектебімізде де құрт ауруына қарсы атаулы күн ескерусіз қалмай, жыл сайын аталып өтіледі. Туберкулез туралы дерек бере отырып оқушылардың өз денсаулығына, қоршаған адамдардың денсаулығына жауапкершілігін арттыру,жеке бас гигиенасы туралы түсiнiк қалыптастыру мақсатында мектепте 1-10 сыныптар арасында «Туберкулездің алдын алу», «Шегі жоқ сырқат» тақырыбында дөңгелек үстел, сынып сағаттары, түсіндірме жұмыстары, кітап көрмесі, дәрігермен кездесу  ұйымдастырылды.